Zvigena's Blog

Georgian Sport

Archive for მარტი 2012

Georgia – England 1:0 (U17 Elite round)

leave a comment »

ვაკეში ჩვენმა ნაკრებმა მეორე შეხვედრა გამართეს ინგლისელ თანატოლებთან. ბრიტანელებს საკმაოდ კარგი გუნდი ყავთ და შეხვედრაში დომინირებდნენ კიდეც. ჩვენს გუნდს ელემენტარული მეტოქის მოედანზე გადასვლა უჭირდათ და მთელი ტაიმის მანძილზე მხოლოდ წილოსანის სუსტი დარყმა იყო, რაც ჩვენს შევძელით.

თავიდან არც ინგლისელებს ჰქონიათ ბევრი საგოლე მომენტი, სულ ორჯერ იყო რომ გატანა მართებდათ. ჯერ ბრიტებმა საჯარიმოში გრძელი პასით მოამარაგეს თავიანთი თავდამსხმელი, ვინაც მცველის შეცდომით ისარგებლა და ბურთს ერთი შეხებით გზავნიდა კარებში – ჩვენმა მეკარემ ივარგა. მერე კი უკვე ფლანგიდან ჩაწოდებული ბურთი მიუვიდა ეულად მდგარ ინგლისელს, მაგრამ დარტყმა არაზუსტი გამოუვიდა.

დაიწყო მეორე ტაიმი და მეტოქის მცველების შეცდომით წილოსანი გავიდა ერთი ერთზე. გასატანი პოზიციიდან დარტყმული მეკარემ აიღო და არც დამატებაზე გაატანინა ჩვენებურს.

მერე ინგლისელები მოგვაწვნენ, თამაშის ტემპმა აიწია, ორთაბრძოლებმა იმატა. ყოველი კუთხური თუ ჩაწოდება საფრთხეს ქმნიდა ჩვენ კართან, ხან მეკარე ყოჩაღობდა, ხანაც მცველები. წინა მატჩივით კარგი იყო დვალი დაცვაში. ერთი მომენტში ინგლისელებს ასპროცენტიანი გასატანი ჰქონდათ, ისევ ადამიას (ჩვენი მეკარის) სასწაულმა რეაქციამ გვიხსნა.

ჩვენ თუ რამე შევქმენით, მეტოქის მცველების შეცდომის ხარჯზე იყო. შუა ტაიმში კიდევ ერთხელ ავაწაპნეთ ინგლისელებს ბურთი, მაგრამ საჯარიმოში შესულმა თავდასხმელმა სუსტად თუ გაკრა ბურთს ფეხი და მომენტი განიავდა.

გუნდი ისევ მალე დაიღალა, გაძლებაზე წავიდა თამაში. მაგრამ მოხდა მცირე სასწაული. დამატებული დროც იწურებოდა, საჯარიმოში ჩავკიდეთ. ბურთი მცველმა უყურადღებოდ აუტში მოიგერია. თამაში აუტიდან განვაახლეთ და ბურთი ელემენტარულ კედელით კარგად გავათამაშეთ, ჩვენებური დასარტყმელ პოზიციაზე დარჩა და 11–12 მეტრიდან გამარჯვების გოლიც შეაგდო!

სტადიონზე მისული შვიდ–ათასამდე გულშემატკივარი სიხარულისგან ლამის ჭკუიდან გადავიდა!! ამ დროს ესპანეთ–უკრაინამ 2:2 ითამაშა და ბოლო შეხვედრა თუ მოვიგეთ, პირველი ადგილს ვერავინ შეგვეცილება. წარმატებები!

Written by zvigena

მარტი 28, 2012 at 16:48

Posted in კატეგორიის გარეშე

Georgia – Spain 1:1 (U17 Elite round)

leave a comment »

დღეს თბილისში 17–წლამდელების ელიტრაუნდის გათამაშება დაიწყო საქართველო ესპანეთის მატჩით. შეხვედრის საყურებლად მიხეილ მესხზე ოთხ–ხუთი ათასამდე კაცი შეიკრიბა.

თამაში ხეირიანად დაწყებულიც კი არ იყო, მსაჯმა ჩვენს სასარგებლოდ საკმაოდ საეჭვო თერთმეტმეტრიანი დანიშნა – მეტოქის საჯარიმოში ჩაწოდებული ბურთი მცველს აუხტა და ხელზე გაკრა. ასეთ რამეზე პენალტი აღარ ინიშნება. საჩუქარი შევირგეთ და მეორე წუთზე ანგარიშში დავწინაურდით.

უპირატესობა ესპანეთმა იგდო, ორჯერ საშუალო დისტანციიდან ცადეს საჯარიმოს გამოყენება – პირველად მეკარემ იყოჩაღა, მეორე ჯერზე სტუმრებს სიზუსტემ უმტყუვნა.

თხუტმეტი–ოცი წუთის მერეღა მოვახერხეთ ბურთის მოხელთება, მეტოქეს პრესინგიც დავუწესეთ და ეს მონაკვეთი ყველაზე აზრიანი ფეხბურთიც ვითამაშეთ. მაგრამ კლასი თავისას შვებოდა და ტაიმის ბოლო ისევ ესპანელების იყო. იყო მომენტი, როცა საჯარიმოში შესულ მეტოქეს გატანა მართებდა, მაგრამ ბურთი კარს მცირედით ააცილა. ტაიმიც ასე მიიწურა.

შესვენების შემდეგ ასპროცენტიანი გასატანი მომენტი შევქმენით – ჩვენებური სამ–ოთხ მეტოქეს დაუსხლტდა და ერთი–ერთზე გასული მეკარეს ვეღარ მოერია. მერე კი ისევ ესპანეთი მოგვაწვა, რამოდენიმე ნახევარმომენტი შეგვიქმნეს, ტაიმის მესამოცე წუთზე კი კუთხურიდან თავით გაგვიტანეს და ანგარიშიც გააყაიმეს.

მერე იყო მეკარის გმირობა – როცა ათიოდე მეტრიდან დარტყმული სასწაულ ნახტომში მოიგერია. დაღლილობისგან ჩვენები ძლივსღა დალასლასებდნენ. ორი მოთამაშე ისედაც ტრამვის ფონზე შეიცვალა და როცა უკვე ლიმიტი ამოწურული გვქონდა, რიგი ფეხბუთელი ჟესტით შეცვლას თხოვდა მწვრთნელს (?!).

როგორც იქნა შეხვედრა მიილია, ფრით ჩვენები უფრო გახარებულები ჩანდნენ. არც გაემტყუვნებათ – მოწინააღმდეგე უძლიერესი ესპანეთი გვყავდა.

ხოდა ამ ძლიერი მეტოქის ფონზე კარგად გამოჩნდა, რომ ტაქტიკურ განათლებაში მოვიკოჭლებთ, ფიზიკურად მხოლოდ სამოცი წუთი გვეყო ჯანი. ჩანდა მოთამაშეების ხასიათის პრობლემაც, ერთმანეთს ეკამათებოდნენ და ხანაც სრულიად უადგილო ყვითლებს იღებდნენ. მოკლედ სამუშაო ძაან ბევრია, რომ ამ ნაკადიდად რამოდენიმე ერთეული მაინც დადგეს დაღვინებული ფეხბურთელი.

გამოვარჩევდი მეკარის კარგ თამაშს, უდაოდ კარგი რეაქციის პატრონია. მცველ დვალს – ვინც დასწრებაზე მშვენივრად თამაშობდა და ბევრჯერ გადაგვარჩინა რიგ უსიამოვნებებს. ასევე შემტევ ჯიქიას – პირველ ტაიმში საკმაოდ კარგად იჭერდა ბურთს და მეტოქის მცველებსაც ანერვიულებდა. ტექნიკაც მშვენიერი აჩვენა და ბურთსაც იშვიათად კარგავდა. მაგრამ მერე ისიც დაიღალა.

არ მგონია ჯგუფიდან გასვლა მოვახერხოთ, მაგრამ ამ ასაკში მთავარი სწორი თამაშის სწავლაა. წინ კი კიდევ ორი რთული მატჩი გველის ინგლის–უკრაინასთან.

Written by zvigena

მარტი 26, 2012 at 16:01